Mbona Basi Mnaifanya Migumu Mioyo Yenu?

-
“Mbona, basi mnaifanya migumu mioyo yenu, kama vile wale Wamisri, naye yule Farao, walivyoifanya mioyo yao?...” 1Samweli 6:6


Bwana Yesu Kristo asifiwe!

Ni jambo jema kumshukuru Mungu kwa kutupa kibali tena cha kuiona siku hii nyingine na wiki nyingine tena ya leo. Namshukuru mungu kwa wema na fadhili zake zinazotufuata siku zote za maisha yetu kila iitwapo leo.

Leo ningependa kuongea na wewe ambaye umekuwa unafanya moyo wako kuwa mgumu na hutaki kuisikia sauti ya Mungu na kumpa Yesu maisha yako. Naongea pia na wewe ambaye umeanguka dhambini na umeshindwa kurudi kwa Yesu tena.

Mbona unaufanya moyo wako kuwa mgumu? Mbona utaki kuokoka? Nini kinakuzuia kumpa Yesu maisha yako? Je ni mali au shughuli za dunia? Je ni wazazi, ndugu au mpenzi? Je unajiona bado wewe ni mdogo na unasema ngoja nile ujana kwanza, Yesu badae? Je dhambi zimekuzidia unaona kwamba huwezi kuziacha? Sijui sababu yako ni ipi ndugu yangu inayokufanya usimpe Yesu maisha yako.

Wakati ni sasa wa kumpokea Yesu na wala hakuna wakati mwingine, usiseme kesho kwa sababu hakuna aliye na uwakika na kesho.

Nisikilize ndugu yangu Yesu anakupenda sana. Laiti ungejua usingefanya moyo wako kuwa mgumu kabisa. Alikufa pale msalabani kwa ajili ya dhambi zako. Aliteseka kwa ajili yako. Upendo wake kwako hauna kipimo. Ni upendo ambao kwa akili za kibinadamu huwezi kuelezea.

“Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele.” Yohana 3:16

Usiache upendo huu ambao Yesu anao kwako kukupita bure. Usikubali kuendelea kuteseka na dhambi, wakati yupo ambaye amekufa ili wewe upone.

Wewe ambaye umeanguka kwenye dhambi, mbona unaufanya moyo wako kuwa mgumu? Unasuburi nini kurudi tena kwa Yesu? Hata kama umeanguka zaidi ya mara moja, Yesu yupo tayari kukupokea tena. Tubu na urudi kwake. Nje uko kuna mbwa mwitu wakali, rudi kunduni mwa kondoo, usikubali kuendelea kuwa mtumwa wa hiyo dhambi?

Mungu anabisha kwenye mlango wa moyo wako anataka kukuokoa, anataka kukusaidia, anataka kukuponya, anataka kukupa uzima wa milele, anataka kukutoa kwenye utumwa wa dhambi, anataka kukupa amani na furaha ya kweli. Je uko tayari kumpokea?

“Tazama, nasimama mlangoni, nabisha; mtu akiisikia sauti yangu, na kuufungua mlango, nitaingia kwake, nami nitakula pamoja naye, na yeye pamoja nami.”  Ufunuo wa Yonana 3:20


UFALME WA MUNGU UMEKARIBIA. USISEME KESHO KWA SABABU KESHO HUJUI UTAKUWA WAPI. WAKATI NI SASA. YESU ANAKUPENDA. MPOKEE YESU LEO ABADIRISHE MAISHA YAKO.

Maoni

Chapisha Maoni

Machapisho maarufu kutoka blogu hii

Maamuzi Magumu (Wakoma Kishindo Cha Jeshi Kubwa)

-
“Basi walikuwako watu wanne wenye ukoma, penye lango la mji; wakasemezana, Mbona tunakaa hapa hata tufe? Tukisema, tutaingia mjini, mjini mna njaa, nasi tutakufa humo; nasi tukikaa hapa, tutakufa vile vile. Haya! Twende tukaliendee jeshi la Washami; wakituhifadhi hai tutaishi; wakituua, tutakufa tu.” 2Wafalme 7: 3-4 Bwana Yesu asifiwe! Namshukuru Mungu kipekee kabisa kwa kutupa neema ya kuiona siku hii mpya ya leo. Ni huruma zake tu kwamba hatuangamii. Fadhili zake ni mpya kila inapoitwa leo. Leo Mungu ametupa tujifunze kuchukua maamuzi magumu. Maamuzi magumu waliyoyachukua wakoma hawa yaliwaokoa wao na Israeli yote kutoka kwenye njaa kali. Kama hawa wakoma wasingefanya maamuzi magumu kwa kuangalia hali walizonazo sijui kama chakula kingepatikana. Walichukua maamuzi ambayo yalihatarisha maisha yao. Walikuwa tayari kupoteza maisha yao kwa sababu walijua hata kama wangebaki pale walipo wangekufa tu. Walichukua maamuzi ya kufa na kupona na kupitia maamuzi yao Israeli yote...
Endelea kusoma

Endelea Mbele (Bwana Atakupigania, Nawe Utanyamaza Kimya)

-
Picha
“Musa akawaambia watu, Msiogope, simameni tu, mkauone wokovu wa BWANA atakaowafanyia leo; kwa maana hao Wamisri mliowaona leo hamtawaona tena milele. BWANA ATAWAPIGANIA NINYI, NANYI MTANYAMAZA KIMYA. BWANA akamwambia Musa, Mbona unanililia mimi? WAAMBIE WANA WA ISRAELI WAENDELEE MBELE.” Kutoka 14: 13-15 Bwana Yesu Kristo asifiwe milele! Namshukuru Mungu sana kwa kutupa neema ya kumtumikia siku nyingine nzuri ya leo. Rehema na fadhili zake ni nyingi mno katika maisha yetu. Ni rehema zake tu kwamba hatuangamii na fadhili zake ni mpya kila siku asubuhi. Leo nimetumwa kukuhamasisha wewe ambaye unapita katika kipindi kigumu kwenye maisha yako. Wewe ambaye mbele yako unaona bahari ya shamu na akili zako zimefika mwisho na huoni mpenyo wa kutokea hapo unapopita. Nimetumwa leo nikutie moyo na kukukumbusha kuwa Mungu amehaidi atakupigania nawe utanyamaza kimya. Wana wa Israeli walifika sehemu wakapata hofu kuu pale ambapo walikutana na bahari ya shamu mbele yao na nyuma y...
Endelea kusoma

Wewe Ni Raia Wa Mbinguni

-
Yohana 17:14-16 [ 14]Mimi nimewapa neno lako; na ulimwengu umewachukia; kwa kuwa wao si wa ulimwengu, kama mimi nisivyo wa ulimwengu. [15]Mimi siombi kwamba uwatoe katika ulimwengu; bali uwalinde na yule mwovu. [16]Wao si wa ulimwengu, kama mimi nisivyo wa ulimwengu. Bwana Yesu Mfalme asifiwe! Nazidi kumshukuru Mungu kwa wema na fadhili zake kwenye maisha yetu ambazo hazikomi kila kukicha. Kila asubuhi fadhili za Mungu ni mpya kwetu. Ni jambo jema na la kupendeza kumshukuru Mungu kwa jinsi ambavyo anatupigania, kutulinda na kuturehemu kila siku na kila muda. Leo natumia nafasi hii kukukumbusha kwamba wewe ambaye umempa Yesu maisha yako, ni raia wa Mbinguni. Maneno tuliyosoma kwenye kitabu cha Yohana 17 hapo juu ni miongoni mwa maombi amabayo aliyafanya Bwana Yesu kabla ya kwenda msalabani. Ni maombi ambayo ndani yake yanatukumbusha kwamba sisi sio raia wa dunia, bali uraia wetu ni wa Mbinguni. Ukisoma mlango wa 17 wa kitabu cha Yohana utaona jinsi ambavyo Bwana Yesu alituombea k...
Endelea kusoma