Endelea Mbele (Bwana Atakupigania, Nawe Utanyamaza Kimya)

-
“Musa akawaambia watu, Msiogope, simameni tu, mkauone wokovu wa BWANA atakaowafanyia leo; kwa maana hao Wamisri mliowaona leo hamtawaona tena milele. BWANA ATAWAPIGANIA NINYI, NANYI MTANYAMAZA KIMYA. BWANA akamwambia Musa, Mbona unanililia mimi? WAAMBIE WANA WA ISRAELI WAENDELEE MBELE.” Kutoka 14: 13-15



Bwana Yesu Kristo asifiwe milele!

Namshukuru Mungu sana kwa kutupa neema ya kumtumikia siku nyingine nzuri ya leo. Rehema na fadhili zake ni nyingi mno katika maisha yetu. Ni rehema zake tu kwamba hatuangamii na fadhili zake ni mpya kila siku asubuhi.

Leo nimetumwa kukuhamasisha wewe ambaye unapita katika kipindi kigumu kwenye maisha yako. Wewe ambaye mbele yako unaona bahari ya shamu na akili zako zimefika mwisho na huoni mpenyo wa kutokea hapo unapopita. Nimetumwa leo nikutie moyo na kukukumbusha kuwa Mungu amehaidi atakupigania nawe utanyamaza kimya.

Wana wa Israeli walifika sehemu wakapata hofu kuu pale ambapo walikutana na bahari ya shamu mbele yao na nyuma yao kulikuwa na jeshi kubwa na la kutisha la Wamisri. Walifika sehemu wakakata tamaa kabisa na kuona huo ndio mwisho wao na hakuna tena tumaini mbele yao.

Lakini tunamuona mtumishi wa Mungu, Musa akiwatia moyo na kuwaambia wasiogope, wasimame tu, wakauone wokovu wa Bwana atakaofanya; kwa maana hao Wamisri mliowaona leo hamtawaona tena milele. Bwana atawapigania ninyi, nanyi mtanyamaza kimya.

Wewe ambaye unapita mahali pagumu sikia Neno la Bwana; USIOGOPE, SIMAMA KIUME TU, UKAUONE WOKOVU WA BWANA ATAKAOFANYA; KWA MAANA HAO WAMISRI( MAHALI PAGUMU UNAPOPITIA, ILO JARIBU, HIYO SHIDA, HIYO HOFU KUU)  HAUTAIONA TENA MILELE. BWANA ATAKUPIGANIA WEWE, NAWE UTANYAMAZA KIMYA.

Mungu anakwambia endelea mbele tu, endelea mbele, usikate tamaa. Ndio anajua mbele yako kuna bahari ya shamu, ndio anajua mbele yako kuna jaribu. Unapoona huoni mwisho wake na inawezekana umekaa hapo muda mrefu na umeshindwa kutoka. Akili zimegoma, hakuna anayekupa msaada, marafiki na ndugu wamekukimbia. Lakini Bwana anasema ENDELEA MBELE, USIKATE TAMAA, NITAIPASUA HIYO BAHARI YA SHAMU NA WEWE UTAPITA SALAMA.

Mungu anataka uchukue hatua ya imani ya kuendelea mbele bila woga wala hofu, ukimwamini kwamba hiyo bahari sio kitu kinachomshinda Yeye. Anaweza akakupitisha kwenye hiyo bahari kama tu utamwamini Yeye.

Mungu amehaidi atafanya mlango wa kutokea kwenye ilo jaribu. Mwamini Mungu na uendelee mbele, usikate tamaa, Yeye amehaidi kukutetea na kukusadia. USIRUDI NYUMA, ENDELEA MBELE KWA IMANI.

“Jaribu halikuwapata ninyi, isipokuwa lililo kawaida ya wanadamu; ila Mungu ni mwaminifu; amabye hatwaacha mjaribiwe kupita mwezavyo; lakini pamoja na lile jaribu ATAFANYA NA MLANGO WA KUTOKEA, ili mweze kustahimili.” 1 Wakorintho 10:13

“Usiogope, kwa maana mimi ni pamoja nawe; usifadhaike, kwa maana mimi ni Mungu wako; NITAKUTIA NGUVU, NAAM, NITAKUSAIDIA, naam, nitakushika kwa mkono wa kuume wa haki yangu.” Isaya 41:10

Nikomee hapa kwa leo. Baraka na wema wa Bwana viwe pamoja nawe sasa na hata milele. AMEN.

YESU ANAKUPENDA WEWE AMBAYE HUJAMPA MAISHA YAKO. UFALME WA MUNGU UMEKARIBIA SANA. UNASUBIRI NINI KUMPOKEA YESU NA KUMTUMIKIA? WAKATI NI  SASA. MPOKEE YESU AWE BWANA NA MWOKOZI WA MAISHA YAKO LEO.

“Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele.” Yohana 3:16
Usikubali kupotea kwa kutokumwamani Yesu. Fanya maamuzi muhimu leo ya kumpokea Yesu, kwa sababu YESU NI NJIA, KWELI NA UZIMA (Yohana 14:6)


Maoni

Chapisha Maoni

Machapisho maarufu kutoka blogu hii

Maamuzi Magumu (Wakoma Kishindo Cha Jeshi Kubwa)

-
“Basi walikuwako watu wanne wenye ukoma, penye lango la mji; wakasemezana, Mbona tunakaa hapa hata tufe? Tukisema, tutaingia mjini, mjini mna njaa, nasi tutakufa humo; nasi tukikaa hapa, tutakufa vile vile. Haya! Twende tukaliendee jeshi la Washami; wakituhifadhi hai tutaishi; wakituua, tutakufa tu.” 2Wafalme 7: 3-4 Bwana Yesu asifiwe! Namshukuru Mungu kipekee kabisa kwa kutupa neema ya kuiona siku hii mpya ya leo. Ni huruma zake tu kwamba hatuangamii. Fadhili zake ni mpya kila inapoitwa leo. Leo Mungu ametupa tujifunze kuchukua maamuzi magumu. Maamuzi magumu waliyoyachukua wakoma hawa yaliwaokoa wao na Israeli yote kutoka kwenye njaa kali. Kama hawa wakoma wasingefanya maamuzi magumu kwa kuangalia hali walizonazo sijui kama chakula kingepatikana. Walichukua maamuzi ambayo yalihatarisha maisha yao. Walikuwa tayari kupoteza maisha yao kwa sababu walijua hata kama wangebaki pale walipo wangekufa tu. Walichukua maamuzi ya kufa na kupona na kupitia maamuzi yao Israeli yote...
Endelea kusoma

Wewe Ni Raia Wa Mbinguni

-
Yohana 17:14-16 [ 14]Mimi nimewapa neno lako; na ulimwengu umewachukia; kwa kuwa wao si wa ulimwengu, kama mimi nisivyo wa ulimwengu. [15]Mimi siombi kwamba uwatoe katika ulimwengu; bali uwalinde na yule mwovu. [16]Wao si wa ulimwengu, kama mimi nisivyo wa ulimwengu. Bwana Yesu Mfalme asifiwe! Nazidi kumshukuru Mungu kwa wema na fadhili zake kwenye maisha yetu ambazo hazikomi kila kukicha. Kila asubuhi fadhili za Mungu ni mpya kwetu. Ni jambo jema na la kupendeza kumshukuru Mungu kwa jinsi ambavyo anatupigania, kutulinda na kuturehemu kila siku na kila muda. Leo natumia nafasi hii kukukumbusha kwamba wewe ambaye umempa Yesu maisha yako, ni raia wa Mbinguni. Maneno tuliyosoma kwenye kitabu cha Yohana 17 hapo juu ni miongoni mwa maombi amabayo aliyafanya Bwana Yesu kabla ya kwenda msalabani. Ni maombi ambayo ndani yake yanatukumbusha kwamba sisi sio raia wa dunia, bali uraia wetu ni wa Mbinguni. Ukisoma mlango wa 17 wa kitabu cha Yohana utaona jinsi ambavyo Bwana Yesu alituombea k...
Endelea kusoma